[Crimson]
Hindi ko maintindihan kung anong ibig sabihin ni Eros nang sinabi nitong maaring may ipagawang mahalagang gawain si Chase kung saan magagamit ko ang aking kakayanan sa pananalisi at pagnanakaw.
Sinubukan ko na lamang iyong iwakli sa aking isipan hanggang makarating kami sa lugar kung saan tuturuan ako ni Chase kung paano humawak ng baril upang maprotektahan ko ang aking sarili sa tuwing may misyon kaming gagawin.
Pansin kong gumuhit ang malapad na ngiti sa labi ni Chase nang tumayo ito sa aking likuran at pinagmasdan ang output ng training ko ngayong gabi.
"Relax and clear your mind, Crimson. Focus on your target, it should be the vital points not the shoulder."
Tumango ako dito saka bahagyang napakagat-labi. Nakakahiya kasi pero totoong hindi man lang tumatama sa target ang
