[Crimson]
Mabilis kong binura sa isipan ko ang sinabi ni Flare at hinayaang lumipas nalang ang nararamdaman ko sa pamamagitan ng pagkaing nasa harapan namin.
Feeling ko wala na namang matitira ngayon dahil ganadong-ganado ang babaeng nasa tabi ko. Kulang nalang hindi na huminga si Flare dahil sarap na sarap ito sa mga kinakain niya. Ano kayang sekreto nito at kahit kumain siya ng madami hindi pa rin siya tumataba?
"Ganoon ba kakunat ang karne at gigil na gigil ka, Flare?" tanong ni Theo habang masama ang tingin sa kapatid.
Alam kong nagtataka din siya at mukhang gutom na gutom yata ang kapatid niya ngayon. Hindi naman kami natagalan ni Theo, impossible ding hindi siya kumain ng lunch sa headquarters.
"Nagiging zombie ka na ba? Sabihin mo lang at ako na ang papatay sa'yo."
May panunud
