[Crimson]
Pinagmasdan ko ang malamlam niyang mga matang nakatingin sa akin saka bumuntong-hininga. Akala ko huminto sa pagmamaneho si Theo para lamang tanungin ako pero naabutan pala kami ng traffic.
"Gustuhin ko mang magtanim ng sama loob ngunit alam kong wala na din ang mga bampirang nanakit sa kapatid ko, Theo."
Sinabi ko lang sa kaniya kung ano ang unang pumasok sa isip ko ngayong magkausap kaming dalawa. Pero kung tatanungin niya ako kung gusto kong pagbayarin ang nanakit at nagpahirap sa kapatid ko, hindi ako magdadalawang-isip na sumagot ng 'oo'.
Tulad ng mga tao, naniniwala pa rin akong may mababait at masasamang mga bampira. At hindi ko inaalis ang kabutihan at pag-asa sa puso ko dahil lamang sa pagkamatay ng aking kapatid.
Pansin kong malalim na napabuntong-hininga si Theo s
