[Crimson]
Humugot ako ng malalim na hininga at nagmamadaling pumasok sa opisina ni Chase. Alam ko kasing mag-iinit lamang ang ulo niya kapag lumabas siya ng silid, kung kaya naman ginagawa ko ang lahat upang mapigilan ito.
Ilang beses akong nagpabalik-balik sa opisina nito upang maihatid ang mga kinakailangang dokumento mula kay Reka at panay naman ang ngiti ng kaibigan niya sa akin, parang gusto talaga nitong totohanin ang request niyang pansamantalang manirahan sa mansyon.
"Chase, hindi pa rin siya umaalis ng lobby. Ilang oras na itong nakahiga sa sofa habang kumakanta pa. Panay na rin ang pansin nito sa mga babaeng kasamahan mo," sambit ko habang abala ito sa pag-aayos ng mga baril na nakalatag sa malawak niyang mesa.
Napakagat-labi ako nang masilayan ang mga kaha at balang tinitit
