[Crimson]
"Niccolo? Dala ng ate ang paborito mong pagkain," sambit ko saka inilapag ang binili kong chocolate cupcakes mula sa isang bakery.
Pinagmasdan ko ang suot kong uniporme at masayang hinawakan ang lace ng aking suot na identification card.
"Bagay ba sa akin? Maganda ba ang ate?" nakangiti kong tanong.
Mahina akong tumawa sa harapan ng aking kapatid at umikot pa para ipakita dito ang laki ng pinagbago ko ngayong nabubuhay na kami sa masaya at payapang mundong pinapangarap lang namin noon.
"Huwag ka nang mag-aalala kay ate, okay? Alam mo namang ni minsan hindi ako sumuko sa buhay, di'ba? Masaya ako sa bago kong trabaho at mababait naman ang mga kasamahan ko sa headquarters," wika ko saka tipid na ngumiti.
Kinagat ko ang pang-ilalim kong labi at napaupo na lamang sa harapan ni N
