"Saan ka na naman nanggaling?"
Dumadagundong ang boses ni Lance pagkapasok pa lang niya sa bahay. Bahagya siyang nakaramdam ng takot nang makita ang panlilisik ng mga mata nito ngunit tinatagan niya ang sarili. Kasalanan niya rin naman. Nakailang tawag na pala ito kaya lang ay hindi niya iyon napagtuunan ng pansin at abala siya sa pag-aasikaso ng mga kakailanganin nila ng anak. Kinailangan pa niyang isaglit ang pag-eensayo hinggil sa nalalapit niyang concert.
Balak na sana niyang hindi ito pansinin katulad ng dati. Nasanay na rin siya. Nakapagtataka lang at paiba-iba ang ugali nito lately. Noong isang araw lang ay inaasar asar pa siya. He even called her sweetheart kaya akala niya ay mag-iiba na ang lahat subalit nagkamali pala siya.
"I'm still talking to you."
Nilingon niya ito.
"I
