Nasa loob ng kwarto ni Angelo si Dominic. Nililibot ni Dominic ang paningin niya sa loob nito. Tipid siyang napapangiti dahil sa nagagandahan siya sa itsura ng kwarto ni Angelo. Malayong-malayo sa itsura ng bahay na tinitirhan niya.
Medyo malaki ang kwarto ni Angelo. Kung ikukumpara ito sa bahay niya, masasabi niyang isa’t-kalahating beses ang laki nito. Kumpleto pa sa gamit. May flat screen TV at dvd player, may study table at may malaki pang bookshelf na punong-puno ng mga libro. May dalawang lampshade na nakapatong sa dalawang maliit na mesa na nasa magkabilang gilid ng king sized bed nito. May telepono rin siyang nakita. Hiwalay ang closet na matatagpuan sa kanang bahagi at sa kaliwa naman ay makikita ang daanan papuntang banyo. May malaking salamin at sa harapan nito ay may mesa kung
