Dumaan ang bagong taon kay Angelo at Dominic na kapwa sila’y masaya. Masasabi nilang ang bagong taon ay ang simula ng mga pagbabago, pagbabagong masaya at puno ng kulay dahil sila’y magkasama.
Kinabukasan ay nakapaghanda na sila sa pag-alis nila sa Bicol. Uuwi na sila sa syudad.
“Mag-ingat ho kayo sa biyahe mga Senorito,” bilin ni Manang Yoling na ikinangiti naman ng dalawang binatilyo.
“Salamat ho Manang. Mag-ingat din po kayo,” magalang na sambit ni Angelo. “Saka, salamat rin po at nakasama namin kayong lahat ngayong nagdaang pasko at bagong taon,” sabi pa nito.
Napangiti naman ang matanda sa mga sinabi ni Angelo.
“Oo nga ho pala, congratulations sa inyong dalawa ni Senorito Dominic,” nangingiting pagbati pa ni Manang Yolly. “Nawa’y pagpalain kayong dalawa at gabayan ng nasa Itaas a
