“May isusuot ka na ba para sa prom?” tanong ni Angelo kay Dominic. Nasa cafeteria sila ngayon at nakaupo ng magkaharap sa isang pandalawahang upuan na nasa bandang dulo ng nasabing lugar at kasalukuyang pinagsasaluhan ang nabiling pagkain para sa lunch break nila.
Umiling si Dominic. “Wala pa,” sagot niya sa tanong ni Angelo.
“Wala pa? Bakit? Ilang linggo na lang at prom na natin tapos hindi ka pa naghahanap diyan,” litanya pa ni Angelo. Sa susunod na linggo ay magaganap na ang pinaka-engrandeng prom nila kaya naman puspusan na rin ang paghahanda ng eskwelahan at mga estudyanteng magsisidalo. Halos lahat ng nasa senior high school year ay dadalo sa nasabing ganap.
Ngumiti si Dominic. “Wala pa kasi akong nakikitang damit na mabibili na mura lang,” wika niya.
“Kung gusto mo pumunta tayo
