Nagkakagulo at natataranta na ang lahat ng tao sa venue ng muling magbukas ang mga ilaw. Nasilaw sila sa liwanag na hatid nito na kumalat sa buong lugar.
Mas lalong nagkagulo ang lahat, pati na rin ang mga staff at mga guards ng hotel na pinagdausan ng prom dahil mula sa stage, nakita nila ang walang malay na si Angelo na nakahiga at wala nang maskrang suot sa mukha. Napuno rin ng pagtataka ang lahat dahil hindi nila nakita doon si Dominic na kanina ay nandoon din sa stage at kasama ni Angelo. Tuluyang nasira ang party ng dahil sa nangyari.
Mabilis na nilapitan ng mga staff at guards ang walang malay na katawan ni Angelo. Ang ibang guards ay nagsimulang hanapin sa bawat sulok ng hotel si Dominic na biglaang nawala. Walang nakakaalam kung nasaan na ito. Planado ang lahat. Magaling ang mga
