Lumalalim na ang gabi. Patuloy na nagsasaya ang lahat sa prom. Kwentuhan dito at kwentuhan doon at ang iba ay naglalandian pa.
Masaya ring magkasama ngayon sila Dominic at Angelo. Hindi na mapaghiwalay ang dalawa. Tila sinusulit nila ang gabi at tanging ang iniisip nila ay ang maging masaya ngayong gabi.
“Malapit na pala ang birthday mo,” wika ni Angelo. “May ihahanda ka ba para sa birthday mo? May plano ka na ba?” tanong pa nito.
Ngumiti si Dominic. Iniling niya ang kanyang ulo. “Wala pa nga. Hindi ko pa kasi iniisip ‘yun,” sagot niya.
“Ganun?” kunot-noong tanong ni Angelo. “Bakit hindi mo pa iniisip?” pagtatanong niya pa.
Ningitian ni Dominic ang nobyo. “Hindi naman kasi ako nagce-celebrate ng birthday ko. Para sa akin, isang ordinaryong araw lang iyon sa buhay ko na lalagpas lang s
