Tuwid na nakatayo sa harapan ng may kalakihang salamin si Dominic. Pangiti-ngiti ang labi niya habang natutuwang pinagmamasdan ang kanyang sarili sa repleksyon sa salamin.
Nasa loob si Dominic ngayon ng isang beauty parlor kung saan dito siya nagpaayos. Hindi niya akalain na ang ugly duckling niyang itsura ay mare-remedyuhan pa pala ng mga make-up na ginamit sa kanyang mukha. Makapal man ang inilagay na concealer at foundation sa kanyang mukha pero natural pa rin ang kinalabasan nito at tila instant ang naging pagkinis ng mukha niya. Hindi siya makapaniwala na matatakpan pa pala nito ang mga bako-bako at tigyawat niya. Pakiramdam niya ay para siyang nananaginip ngayon at hindi totoo ang nakikita niya. Pati ang kulay black na buhok niya na tila alambre sa tigas ay nagawan ng paraan dahil n
