MADI’S POV
NAGPAPANGGAP si Madi bilang si Santi Agustin. Lulan sa sasakyan niya ay pinuntahan ni Madi ang isang nightclub kung saan palaging nakikita si Mendoza. Ayon sa source na nakuha niya sa files ni Joaquin ay madalas raw na nasa nightclub si Mendoza. Maraming lugar ang nagiging lungga ni Mendoza pero inuna niya ang nightclub na nasa pinakaunang listahan.
Sa tuwing may lakad siya ay ibang sasakyan ang kanyang ginagamit. Mahirap na kasi na baka maiugnay sa kanya ang sasakyang ginagamit. Pinarada niya malayo sa nightclub ang kanyang sasakyan. Napatingin siya sa kanyang pambisig na orasan. Alam onse na ng gabi kaya wala nang halos tao sa labas. May ilan siyang napapansin na naglalakad pero bilang lamang iyon sa mga daliri niya. Bumaba siya ng kanyang kotse at naglakad.
