Wala nang naganap pa dahil sabay na umalis ang mag-asawa nang inanunsiyo ng isang katulong na may dumating na bisita.
Nang mapag-isa ay agad din akong lumabas mula sa pinagtataguan ko at muntikan pa kaming nagkagulatan ng katulong na akmang magliligpit ng pinagkainan namin.
Hindi ko binigyang pansin ang nagtatakang tingin ng katulong at taas-noo akong nagmartsa palabas ng dining area.
Sa narinig ko kanina ay mukhang hindi matutuloy ang lakad namin ngayon ni Ate kaya mas maiging matulog na lang ako maghapon.
Hindi naman talaga ako mahilig mag- shopping at mas pipiliin ko pang magmukmok sa loob ng silid ko kaysa gawin ang nakakapagod na bagay na iyon.
Tahimik akong naglalakad sa hallway papunta sa silid ko nang mapadaan ako sa isang nakabukas na silid.
Nakuha ng tunog mula sa loob iyon
