Pinagmamasdan ko ang payapang pagkakahimbing ni Leziel.
Parang sasabog ang puso ko sa nag-uumapaw na saya habang pinapanood siyang natutulog sa mismong kama ko kung saan siya nababagay. Nasa harapan ko na iyong kabuuan at katuparan ng mga pangarap ko.
Naikuyom ko ang kamao nang mapadako ang tingin ko sa sugat niya sa pisngi. Hindi naman iyon kasing lala nang una kong akala pero litaw na litaw pa rin iyon sa makinis niyang mukha.
Humugot ako nang malalim na hininga upang kontrolin ang namumuong galit sa loob ko tuwing naiisip na may naglakas nang loob na saktan ang babaeng gusto kong protektahan. Hindi ako mapagpatawad na tao lalo na at si Leziel ang sangkot sa usapan.
Masuyo kong hinaplos ang buhok niya habang hindi hinihiwalay ang mg mata sa maamo niyang mukha. Ang mukhang nakatatak
