"Masasanay ka rin kay Madam Roxanne," pagbubukas ng usapan ni Dra. Kiera.
Mula sa loob ng bahay ay napadpad kami sa likurang bahagi kung saan ay pumwesto kami sa naroong patio.
Hindi ako umimik at pinakiramdaman lang siya habang pinapanood ang papalubog na araw.
Maggagabi na pala... Parang ang tagal ng oras ngayong araw. Sa loob ng ilang oras ay parang ang dami nang nangyari.
"Totoo bang girlfriend ka ni Sir Dominique?"
Napalingon ako sa kasama ko dahil sa binitiwan niyang tanong.
"Okay lang na hindi mo sagutin," mabilis niyang bawi at binigyan ako nang mapagpaumanhin na ngiti.
Ngayon ko lang napansin na mas bata pa pala siya kaysa una kong akala. Siguro ay nasa late twenties or early thirties lang siya . Mas bata pa nga siguro siya kaysa kay Ate Sylene.
Nang maalala si Ate Sylene
