Balik na ulit ako sa pagkamaldita nang magyaya na ako kay Ate Sylene na umuwi. Kailangan ko lang palang umiyak saglit para ma-recharge ang sarili.
Matapos kong marinig kung gaano kalaki ang tiwala ni Ate Sylene na hindi magloloko si Dominique ay bigla akong na-inspire na gisingin siya sa pagkakatulog niya sa kangkongan!
Wala ba siya no'ng tinatawag na woman's instinct? Karaniwan sa mga asawa ay kinukutuban talaga nang hindi maganda 'pag nambabae ang mga mister nila.
Itong si Ate Sylene masyadong isinubsob ang sarili sa pinagkakaabalahang ibang bagay at hindi man lang tsinek kung kumusta na ang asawa niya at baka naghahanap na ito ng kalinga mula sa ibang babae.
Sa ilang araw kong pagtira sa bahay nila ay napapansin kong halos wala nang oras si Ate Sylene para kay Dominique at pabor
