MIKAELA MICHEL
NAPAKUNOT ANG noo ko. Hindi ko alam kung bakit, nang marinig ko ang dalawang huling salitang sinabi niya nakaramdam ako ng matinding kirot sa dibdib ko. Napangawak ako doon, sumikip ang paghinga ko.
"Are you okay?" nag-aalalang tanong ni Kuya Second. Lahat sila nagsitayuan at inalalayan ako papasok ng bahay.
"Bubuhatin kita," presenta ni Kuya First pero bago pa man ako makasagot lumutang na ako sa ere sa pagbuhat sa'kin ni Seventh. Napayakap ako sa leeg niya. Naninikip pa rin ang dibdib ko, hindi na ako nagsalita.
"Ako na, Kuya." Ngumiti siya sa kapatid. "Don't worry, ilang taon na ako sa pag-aalaga sa kanya. Ako na ang bahala."
Tumango ito. Nang makapasok kami sa sala ,inilapag niya ako sa couch. Tumakbo papunta sa kwarto niya. Sandali akong humiga habang habol ko pa
