“Wow, ganda ka girl?” pang-aasar ni Maggy kay Xandrie.
Isang purple off-shouder dress na lampas tuhod nito ang haba, ang suot ni Xandrie para sa date nito with Ian. Hakab na hakab ang magandang hubog ng katawan nito sa suot niyang iyon, at lutang na lutang ang kaniyang kaputian. Binagayan niya ito ng flat sandals na kulay puti, dahil sadyang hindi siya mahilig mag-high heels. Hinayaan din niyang nakalugay ang kulay mais at tuwid na tuwid niyang buhok na hanggang baywang ang haba. Habang manipis na make up lang din ang kaniyang inilagay sa kaniyang mukha.
“Pangit ba baks?” nag-aalalang tanong pa niya kay Maggy. Pinagsalikop naman ng kaibigan ang mga kamay saka siya pabirong sinuri nito.
“Ano ka ba baks, maganda! Bagay na bagay sa iyo,” nagniningning ang matang tugon naman nito sa ka
