Araw ng Sabado, ito ang araw kung saan inimbitahan siya ni Brix sa isang okasyon. Maaga pa lang eh nag-aayos na siya ng kanyang isusuot. Napili niyang magsuot ng simpleng bistidang bulaklakin na kulay lavender, na lampas tuhod ang haba. Titernuhan na lang niya iyon ng glass shoes na may maliit na takong. Nang maayos na niya ang isusuot ay bumaba muna siya upang maghanda ng almusal. Naabutan niya si Karen na nagkakape sa kusina at nakapagsaing na rin. Mahilig din itong magluto, kaya minsan ito na ang nagkukusang maghanda ng kanilang makakain.
“Good Morning sis. Kape?” bati nito sa kanya sabay alok ng kape. Nginitian niya ito at saka tumango.
“Karen, aalis ako mamayang alas-sinko, ikaw na lang muna ang bahala rito ha? Kasi mukhang may lakad din sina Maggy mamaya eh,” pagbibilin niya kay Ka
