" Tara na po, Manong Nathan! " sabi ko kay Manong Nathan nang makalabas ako ng bahay.
Ngumiti naman siya sa akin at pinagbuksan niya ako ng pinto ng sasakyan. Pagsakay ko, napapikit at napabuntong hininga na lang ako.
Hindi pa rin ako makapaniwala sa mga sinabi sa akin ni David kahapon kaya ngayon ay pupuntahan ko ang ina ni Xander para maliwanagan ako sa mga nalaman ko.
Ayon kay David, hindi sinasadyang maungkat ang nakaraan noong pinaimbestigahan niya ang pagkamatay ng aking mga magulang. Tinignan kasi nila kung mayroong mga nakaaway ang aking mga magulang na pwedeng magturo kung sino ang suspect sa pagkakamatay nila at doon, naungkat ang lahat lahat.
Matalik na magkaibigan si Daddy at ang ama ni Xander na si tito Samuel. Dalawa silang nagpursigi para mapaangat ang kumpanya namin
