Mia
Nang magising ako ay purong puting kisame ang bumungad sa akin. Saglit akong napahinto at napalinga sa buong paligid. Nakita ko ang isang dextrose sa aking tabi na nakakunekta sa kamay ko.
Hindi na ako magtatanong pa dahil halata namang nasa loob ako ng isang silid sa hospital. Ang tanong ay sino ang nagdala sa akin dito? Ang natatandaan ko lang ay nag-iisa ako sa apartment at lumala ang lagnat ko dahil na rin sa depression.
Inaatake ako niyon sa tuwing nag-iisa ako kaya nga mas pinipili kong magbunganga o kausapin ang sarili ko para maging maingay pa rin ang mundo ko kahit nag-iisa lang ako. Doon ko na lang idinadaan ang lahat.
Pinakiramdaman ko ang sarili ko at hinawakan ang leeg ko. Wala naman na akong lagnat. Hindi na mainit ang pakiramdam ko.
"You're awake."
Bigla akong na
