Mia
Nagising akong nag-iisa na sa sofa.
Bumangon ako kasabay nang paglibot ng paningin ko sa buong paligid. Hindi ko mahagilap si Andrei kaya't tumayo na ako at sinilip siya sa loob ng silid ko. Wala rin siya doon at wala rin sa banyo.
Binuksan ko na ang pinto ng apartment ko at lumabas. Sarado ang pinto ng mansion ni Ghian. Tsk. Ang sabi niya ay hindi siya aalis!
Inis akong naglakad patungo sa terrace at tumanaw sa ibaba. Sa gate ko siya nakita habang may kausap na dalawang lalaki. Nakita kong inabutan siya ng isa sa kanila ng brown envelope na kaagad binuksan ni Andrei at inilabas niya mula doon ang ilang piraso ng papel.
Ano naman kaya iyon at sino ang mga taong ito? Hindi sila pamilyar sa akin. Ngayon ko lang sila nakita.
Ilang minuto ang lumipas ay siya naman ang humugot ng put
