ANG buong akala ni Michelle ay iyon na ang una at huling beses na pagkikita nila ni Noah. Nakailang daan na kasi siya sa kalsadang iyon pero hindi na niya ito nakita uli. Nanghihinayang tuloy siya na hindi na niya sinagad ang kakapalan ng face niya. Sana pati apelyido nito ay inalam na rin niya. Para sana na-search niya ito sa f*******:.
"Miss, excuse me. May nakaupo ba rito?"
Mula sa pagsasawsaw ng french fries sa gravy ay nagtaas ng tingin si Michelle nang marinig ang pamilyar na boses na iyon; na isang linggo nang laman ng isip niya. Akala niya ay guni-guni lang niya iyon. Kaya ganoon na lang ang pagkagulat niya nang malamang hindi siya pinaglalaruan lang ng kaniyang imahinasyon.
Kahit ito man ay hindi rin makapaniwala nang mamukhaan siya. "Michelle?"
Gosh, natatandan pa niya ang
