"MA'AM Michelle, sigurado po ba kayo na mauna na kami?" tanong uli ng kaniyang cashier na si Tin-tin pagkatapos niyang sabihan ang mga empleyado na mauna na sa pag-uwi.
"I'm sure, Tin. Sige na, mauna na kayo. Ako na ang bahala rito," pagtataboy ni Michelle sa mga ito. "May tatapusin lang ako."
"Sige po, Ma'am. Mag-ingat po kayo rito at sa pag-uwi n'yo," sabi pa ng kahera.
"Bye, Ma'am Michelle!" paalam din sa kaniya ng iba pang mga empleyado.
Ngumiti siya sa mga ito. "Bye! Ingat din kayo."
Nang makaalis ang mga ito ay saka hinarap ni Michelle ang pag-double check sa ginawa nilang inventory sales kanina.
Pagkatapos niyang masiguro na nagtutugma naman ang sales at stock ng kaniyang store ay nagpahinga muna si Michelle bago umuwi. At habang nakasandal siya sa swivel chair ay hindi niya
