MAAGANG natapos ang klase ni Noah nang araw na iyon kaya dumiretso siya kaagad sa MnM pizza. Maghapon kasi siyang hindi nakalabas ng unibersidad kanina dahil sa dami ng kanilang ginawa. Tapos nag-meeting pa nang ilang oras ang lahat ng janitor.
Hindi tuloy siya nakasilay kay Michelle. At miss na niya ito.
Sa dalawang linggo na pagkakakilala nila ng dalaga ay lalong napatunayan ni Noah na talagang gusto niya ito. Noong una pa man silang nagkita ay alam na niya na may kakaiba na siyang naramdaman para rito. Nahihiya lang siyang aminin sa sarili dahil sa pagkakaiba nila ng estado sa buhay.
Pero ngayong sigurado na siya sa kaniyang nararamdaman, hindi na siya magdadalawang-isip pa na ligawan si Michelle. Dahil baka mabaliw na siya kapag hindi pa niya sinabi rito ang laman ng puso niya. Tu
