Maririnig ang kantahan ng mga mamamayan ng Circe habang abala ang lahat sa paghahanda ng piging. Pumasok na ang tatlo sa malaking kubo kung saan lumaki si Leo. Kapansin pansin ang mga nakalumang gamit ngunit mukha pa ring bago. Makikinang ang mga ito at talaga namang malilinis.
Pinaupo ni Tandang Onn ang apo at si Nia sa gitnang bahagi ng bahay. Naroon ang maliit na mesa kung saan nakapatong ang larawan ng mga magulang ni Leo. Mayroong alay na bagong pitas na mga bulaklak at dalawang kandila.
Habang abala si Tandang Onn sa paghanap ng postoro ay binulungan ni Leo si Nia. "Bakit mo `ko pinigilan kanina? Baka mapasubo tayo nito."
Bahagyang dumikit si Nia sa binata. "Kaya mo bang sabihin na walang tayo, ang saya saya nilang lahat nang dumating ka."
"At lalo silang sumaya nang makita ka...
