Itinuro ni Leo kay Nia ang puntod kung saan niya himimlay ang katawan ni Cerina. Wala ng pamilya si Cerina at inaalagaan nalang siya ng iba't ibang pamilya sa bayan. Madalas itong naglalagi sa bahay nina Leo bilang tagalinis ng pamilya. Naging malapit ang dalawa simula bata at nang naging dalaga at binata ay nahulog sila sa isa't isa.
Nang araw na mangyari ang trahedya ay binalaan na ni Cerina si Leo na huwag pakialaman ang Karisma. Alam niya na hindi pa handa si Leo noon. Ngunit nang dahil sa kagustuhan ni Leo na patunayan na kaya na niya at karapat dapat na siyang humawak ng Karisma ay kinuha niya ito.
Matapos ang dasal na kanyang sinaulo mula sa pagbabasa ng sagradong libro ng kanyang pamilya ay lumiwanag ang Karisma. Tuwang tuwa si Leo noon sa pag aakalang nagawa niyang mapaamo ang K
