Nakaupo si Tandang Onn sa maliit na mesa kung saan nakapatong ang tatlong Karisma. Kapansin pansin ang pagkinang ng mga iyon dahil sa pagkumpuni na ginawa. Hindi basta basta ang pagkumpuning ginawa ng matanda. Gamit niya ang sariling buhay na kinakailangan niyang ialay para mabuo muli ang mga nasira sa Karisma. Kakaibang seremonyas at dasal ang kanyang ginawa upang makamit ang pagkagawa ng mga ito.
Kapansin pansin ang pamumutla ng matanda. Liban sa mga Karisma ay napansin ng tatlo ang kanyang kalagayan.
"Maupo kayo." Umubo ang matanda na lalong nagpaalala sa tatlo. "Tinanggap ng mga Karisma ninyo ang alay na ibinigay ko ngunit hindi ko kayang ibigay nang buo sa Karismang pana."
Kinuha ng matanda ang armas ni Zenon at ibinigay sa kanya. "Hindi gaanong naapektuhan ang Karismang ito. Hindi
