May kalayuan ang biyahe na nilakbay nina Leo at Nia. Nilibot nila ang ilan pang isla bago nakarating sa kanilang desinasyon. Sa isang isla na malapit sa isang bayan nakatira si Kumar. Tanging ang isang maliit na kubol ang nakatayo roon. May maliit na taniman ng gulay at prutas sa likod nito at mayroon ding iilang hayop. Matagal nang kaibigan ni Leo na isa ring Kusai.
Malugod na tinanggap ni Kumar ang dalawa na tuwang tuwa nang makita ang kaibigan. "Iba kang talaga, Leo. Biruin mo, nakatakas sa Zaffhis. Kaya bilib ako sa `yo e."
Nakaupo ang tatlo sa loob ng bahay kung saan ipinaghanda na ni Kumar nang inumin at makakain ang kanyang mga bisita.
"Sabi ko naman sa `yo, makakalabas rin ako." Ngumiti si Leo matapos ay uminom ng alak na Kumar ang gumawa na matagal na niyang nais matikman. "Wal
