Itinuro ni Eliza ang isla kung saan siya nakatira. May kalayuan man iyon sa isla ng Zaffhis ay maayos silang nakarating sa lugar. Maliit na komunidad lamang ang meron ang isla. Tahimik at walang gaanong kabahayan. Mas maliit pa iyon kasya sa Ilmis na bayang kinalakihan ni Nia.
Malalim na ang gabi nang makadaong sila sa isla. Kakaunting liwanag lamang ang mayaroon ang lugar na galing lang sa mga pailaw sa labas ng mga kabahayan.
Halos madapa pa si Eliza nang tumakbo ito patungo sa bahay nila. Kinalampag niya ang pintong gawa sa manipis na kahoy. Hindi nagatagal ay bumukas iyon sa isang lalaki na nang makita ni Eliza ay mapaluha ito.
Hindi makapaniwala ang lalaki na si Jere na si Eliza ang nasa kanyang harapan. Sandali itong kumalas sa mahigpit na yakap ng dalaga para tignan ang mukha nit
