Nagising si Nia nang maramdaman niya ang mga yapag ng kabayo. Sa pagbukas ng mga mata niya ay mukha ni Leo ang una niyang nakita. Hindi nagtagal ay lumapit din si Zenon na ngumiti pa sa kanya.
"B-bakit kayo nandito? A-anong nangyari?"
Itinigil nila ang pagpapalakad sa mga kabayo para kausapin si Nia.
"May dumukot sa `yo. Hindi mo ba naaalala?" ani Zenon na inabutan siya ng tubig.
Sa kalagitnaan ng pag inom niya ng tubig ay napabalikwas ito nang maalala ang mga babaeng sinubukan niyang tulungan. Halos mahulog pa siya sa kabayo. Niyakap ni Leo si Nia upang hindi ito tuluyang mahulog. Nang mapakalma nito ang kabayo ay agad rin niya inalis ang pagkakayakap sa dalaga. Hindi pa rin siya makatingin kay Nia dala ng pagkahiya sa mga nabitawan niyang salita.
"Yung mga babae! Bigla akong nanghin
