Pinipilit ni Nia na huwag lingunin ang dalawa. Malaki ang pasasalamat niya sa kanila lalo na kay Leo. Ayaw man niyang iwan si Leo matapos ang sagutan nila ay naisip niyang mas makabubuti na iyon. Bumuha ng hangin si Nia. Hindi niya gusto ang nararamdaman ng may nakagalitan. Itinigil niya ang paglalakad ng kabayo at muli itong hinarap sa Daes. Ngunit wala na ang dalawa. Mapait na ngumiti si Nia.
"Mas mabuti na ito."
Pagkumbinsi niya sa sarili. Liban sa tulong ng dalawa ay totoong napalapit na sila para kay Nia. Ngayon lamang siya nagkaroon ng kaibigan na hindi siya tinitignan bilang barumbadong babae. Tanggap nila ang mga naging kahinaan at kalakasan niya. Ngunit pilit sumisiksik sa isip niya na siguro hanggang doon nalang iyon.
Mabilis niyang pinatakbo ang kabayo palayo sa Daes kasabay
