"Alak para sa lahat!" Nagpunyagi hindi lang mga pirata maging ang mga mamamayan ng bayan. Lahat ay nagsalusalo sa alak na nakuha mula sa barkong kanilang sinunog. Sagana sa mga prutas, gulay, at iba't ibang karne ang mahabang mesang inihanda ng mga mamamayan. Nagsaliw ang mga kababaihan sa masayang tugtog na itinatanghal ng mga matandang naninirahan sa bayan.
Malaki na ang ginhawang nararamdman ni Nia dulot ng halamang gamot na kanyang ininom. Maging ang mga piratang nagtamo ng sugat ay nakikisalo na rin sa kasiyahan. Masayang pumapalakpak si Nia sa nakatutuwang tugtuging itinatanghal sa kanyang harapan. Nasa gilid nia sina Leo at Zenon na kapwa kainuman na ang ibang pirata.
"Para sa `yo, binibini." Iniligay ng isang pirata ang baso ng alak sa harap ni Nia. Ngumiti ito bilang pasasalama
