Sa kabilang barko ay tanaw ni Heneral Daako ang pagkatalo ng sandamakmak na piratang sumusugod sa tatlong kalaban. Inutusan niya na sumugod maging ang mga kawal na kanyang dala.
Hindi nagtagal ay dumating ang barko ni Viola. Umakyat ng barko ang mga pirata na tumulong sa paglaban ng tatlo.
Lalong naging dehado ang mga kampon ni Heneral Daako. Nagpasya ito na ilagay sa kamay niya ang pagtalo sa mga kalaban.
Lumundag ang malaking heneral patungo sa kabilang barko. Lumapag ito sa tapat ng tatlo. "Sinisira ninyo ang gabi. Magbabayad kayo."
Gamit ang malaking martilyo bilang armas ay buong lakas na ipinatama ng heneral ito sa tatlo. Nakalundag man ay sumugod ang nga pirata sa kanila. Walang binigay na pagkakataon ang mga kalaban kahit makahinga man lang ang tatlo.
Umurong si Nia mula sa
