Itinuro ni Leria ang minahan sa grupo kung saan kasalukuyang nagtatago si Moro. Kwento pa ng ginang na hindi na rin nagpakita sa kanila si Moro simula nang mamatay ang kanyang ina.
Sandaling sinilip ni Leo ang loob ng minahan. Malalim na iyon at wala ni katiting na ilaw. "Kami nalang ang papasok sa loob. Maiwan ka nalang dito, Nia."
"A-ayoko. Sasama ako."
"Basang basa ka pa. Lalong malamig sa ilalim nito. Kung makakagawa sana ng apoy si Vexx nang matuyo man lang sana tayo."
Kunot noong tumingin sa kanya si Vexx. Sinubukan niyang ipitik ang mga daliri ngunit malalabong kislap lamang ang lumalabas mula roon.
"Hindi ligtas na pumasok dito. Basang basa ang lupa. Madali lang na gumuho ito sa tuloy tuloy na pagbagsak ng ulan. Wala na bang ibang madaraan papasok?" Pag uusisa ni Zenon.
"San
