NATIGILAN si Joanna nang hawakan siya ni Nash sa kanyang siko. Napatingin siya sa kamay nito, pagkuwan ay unti-unting umangat ang kanyang tingin sa mukha nito na may pagtataka. At ware’y nabasa nito iyon.
“Baka madulas ka,” anito na animo nagpatay-malisya sa kanyang reaksiyon.
Iyon lang ba talaga? Ganoon pa man ay natutuwa ang puso niya sa concern na ipinakita nito nang mga sandaling iyon. Papunta ito sa isang site sa hacienda ng mga ito kung saan may isasagawang pag-aani ng mga mangga. At dahil umulan nang nakaraang gabi kaya naman basa ang dinaraanan nila.
At ang pagkakahawak ni Nash sa kanyang siko ay naghahatid ng kakaibang init sa kanyang katawan. Sana’y hindi nito agad bawiin ang kamay nitong nakahawak sa kanya. May ngiti tuloy sa labi habang naglalakad sila.
Kung maaari lang san
