SA loob ng halos isang linggo sa hacienda ay panay ang sama ni Joanna sa bawat lakad ni Nash. Bukod sa nai-enjoy niya ng husto ang pamumuhay sa loob ng hacienda ay may parte niya ang natutuwa na palaging nakikita at nakakasama ang binata. At nagsimula iyon noong gabing ipakita nito ang pagrespeto sa kanya.
Nakita niya ang other side ni Nash Villa Franca pagdating sa ibang tao. Napakabait. Wala siyang masabi sa bagay na iyon.
“Ang mabuti pa mamasyal ka muna. Nitong mga nakalipas na araw ay hindi mo naman ‘yon ginawa.”
Napasulyap si Joanna kay Nash na abala sa paghigop ng kape nito. Siya uli ang nagtimpla niyon. “Para na rin naman akong namamasyal sa mga pinupuntahan natin.”
Maingat nitong inilapag ang tasa sa lamesa. “May kailangan akong kausaping dealer ng feeds sa bayan. Hindi naman k
