TAHIMIK lang na pinagmamasdan ni Joanna si Nash habang tutok pa rin ang mga mata nito sa mga pinipirmahang papel na nasa lamesa nito sa silid nito. Nasa bandang sulok iyon, anito ay working place nito iyon sa bahay ng mga ito. Kapag hindi nito feel sa Study Room ay doon ito sa kuwarto nito pumipirma sa mga dokumentong kailangan sa hacienda.
Nang humikab siya ay saka lang sumulyap sa kanya si Nash.
“Bakit hindi ka pa matulog?” tanong nito sa kanya.
Nginitian niya ito. “Sabay na tayo.”
Sumandal ito sa backrest ng swivel chair nito at mataman siyang pinagmasdan. “Mamaya pa ako matatapos dito. Mauna ka ng matulog.”
“Hindi pa naman ako inaantok.”
“Nakita kitang humihikab. Hindi pa ba antok ang lagay na ‘yon?”
Bahagya siyang napalabi. Tumayo siya mula sa pagkakaupo sa gilid ng kama. “Gust
