IVY, bakit ganito? Bakit kailangang ganito ang mangyari? paulit-ulit na tanong ni Joanna sa isip habang nakatingala sa madilim na kalangitan. Nasa terrace siya ng silid ni Nash nang mga sandaling iyon.
Sunod-sunod na pumatak ang luha niya sa mga mata. Paanong dumating sa punto na mali siya ng taong nilapitan? Bakit din tinawag ni Nathan noon si Nash na ‘Kuya’? Bagay na ipinalagay niya na tama dahil hindi naman niya kilala kung sino ang panganay sa dalawa. Ni hindi na niya nagawa pang mag-research o magtanong dahil kampante na siya sa inakalang tama.
Kaya ba sa huli ni hindi niya matagpuan ang sarili na mas mamunghi kay Nash dahil hindi naman talaga ito ang lalaking pakay niya? Kaya ba kahit na inakalang ito ang nanakit sa kaibigan niya ay dumating pa rin sa punto na minahal pa rin niya i
