Mapapanatag naman siya sa pag-uwi nito dahil sinigurado ni Apollo na may kalalagyan na si Albert Suarrez ngayon. He is so thankful dahil kay Apollo, at wala ng rason pa na hindi na babalik sa normal ang buhay ng dalaga kung safe na rin ito.
Nang tumayo na ang babae ay mabilis siyang lumayo mula sa kinatatayuan niya. Hindi maintindihan ni Xavier kung bakit may kulang na sa kanya sa pag-alis ni Sandrine sa kanyang bahay. At naninibugho siyang isipin na sa pagbalik nito sa talagang buhay nito ay marami na itong makakasalamuha na mga lalaki. Dahil sa uri ng trabaho nito. Gustuhin man niyang pigilan ito ay wala naman siyang mailahad na magiging rason na patuloy na mananatili pa ito dito. Isa pa ayaw na rin niyang humadlang pa sa kaligayahan nito. Alam niya kung gaano nito kamahal ang trabaho n
