"Mainit yata ang ulo mo Dean," natatawang sabi ni Isaac. Binato naman ito ni Dean nang napulot na ballpen sa mesa nito.
"Ayusin mo ang trabaho mo Isaac, at huwag mong haluan nang kalokohan mo," hinawakan siya nito sa braso at hinila na palabas sa opisina ni Isaac. Pumunta pa sila sa dulo ng pasilyo at nakaukit sa malaking pinto ang pangalan nito. Binuksan nito ang pinto at tumambad sa kanya ang malaki at maganda nitong opisina. Naupo ito sa swivel chair nito at saka binuklat ang mga papel na nasa mesa nito. May pinirmahan lang ito saka na rin siya niyaya na umalis na.
"Gusto mo bang kumain muna bago ka umuwi?" Tanong nito nang nakaupo na sila sa sasakyan nito.
"H-hindi na siguro Xavier at hindi pa naman ako nagugutom," sagot niya na tumingin sa labas ng bintana ng sasakyan.
"Okay," ma
