"Narito na ang result ng test ni Dean, Sandrine," sabi ni Nathan na inangat ang dalang folder. Ni hindi man lang pinansin ang presensya ni Rosie. 'Di ba ito naman dapat ang may karapatan, pero bakit siya pa ang kinakausap ni Nathan?
"Sabihin mo na Nathan please at nag-alala ako masiyado kay Dean," malambing ang boses na singit ni Rosie. Gusto niyang mapapairap dito, pero pinigilan niya ang sarili at nakakahiya kay Nathan. Baka isipin nito ma-attitude siya, gayong napakalumanay ng pagkakasabi ni Rosie sa sinabi nito. Tinanguan lang ito ni Nathan saka humarap ulit sa kanya habang binubuklat ang folder.
"Base dito sa mga lab test niya, clear naman ang lahat ng resulta. Ang X-ray niya at CT scan ay clear din, so wala na tayong dapat ipag-alala pa," paliwanag ni Nathan at nginitian siya.
"Th
