Bumaba siya sa sasakyan ni Apollo nang marating nila ang rest house ni Xavier. Sinalubong sila ng nag-alalang si Nana Saling.
"Ano ba ang nangyari kay Dean, Apollo?" Sabi nito na pinunasan ng suot na apron ang mga luha. Linapitan ito ni Apollo saka hinagod ang likod ng matanda.
"Nothing to worry Nana, okay na po si Dean. Hindi naman ganoon ka grabe ang pagkakabangga niya," paliwanag nito.
"Ano ba kasi ang nangyari sa batang 'yon, pinakaba niya ako ng sobra."
"Trust Nathaniel po, hindi niya pababayaan si Dean."
Tumango lang ang matanda at nang makita siya ay nag-alala din itong lumapit at sinipat siya.
"Ikaw hija, nasaktan ka ba?" Tanong nito sa nag-alalang boses.
"Hindi po ako kasama ni Xavier, Nana," garalgal ang boses na sagot niya sa matanda. Nadagdagan pa lalo ang guilt na nara
