#LivingWithYou
CHAPTER 12
Natapos na ang huling klase nila Bryan, Eros, Marco at Gab. Tatlong oras din ang inilagi nila sa classroom kaya naman naisipan nilang maglakad-lakad na muna sa malawak na quadrangle ng university.
“Pakiramdam ko napudpod ang pwet ko. Hays! Dalawa nga lang ang klase natin pero sinagad naman tayo at tig-tatlong oras,” reklamo na naman ni Marco. Siya na lang lagi ang may reklamo sa kanilang apat.
“Edi dapat hindi ka na lang nag-aral,” si Gab na napapailing na lang sa kakareklamo ni Marco.
Sinamaan nang tingin ni Marco si Gab.
Tahimik naman si Eros at Bryan. Napatingin tuloy si Marco sa kanila.
“Kayong dalawa? Hindi pa rin kayo bati?” tanong nito.
Hindi sumagot si Eros. Napangiti naman nang tipid si Bryan nang tingnan niya ito.
