#LivingWithYou
CHAPTER 25
“Nakakapagtaka at wala pa si Marco,” sabi ni Bryan. Nasa loob na sila ng classroom. Katabi niya si Gab sa kaliwa at nasa kanan naman niya si Eros na napatingin sa kanya.
“Baka tinanghali na naman ng gising,” sabi ni Gab. Wala pa naman ang professor nila kaya hindi pa ito late na late.
“Sigurado iyon,” sabat naman ni Eros.
Hindi naman pinansin ni Bryan si Eros. Nagkukunwaring walang katabi sa kanan at walang narinig mula kay Eros.
“Oo nga pala. May kakaiba akong napapansin kay Marco nitong mga nakaraang araw,” sabi ni Bryan kay Gab. Pinandigan talaga niyang walang Eros sa paligid niya.
Nangunot naman ang noo ni Gab.
“Ano na namang napansin mo?” tanong ni Eros.
Pero hindi iyon pinansin ni Bryan. Nanatili lamang itong ta
