Chapter Fifteen
Dalawang araw ang ginugol ni Yoko para matapos sa pag-aasikaso ng mga requirements niya sa papasukan na trabaho. Dineklara niya sa medical na buntis siya kaya na-waive ang x-ray niya. Kaya nang tanungin siya ng HR kung tapos na siya sa medical, agad naman niyang sinabi ang issue niya. Naunawaan naman ng HR. Nag-alala pa nga siya no'ng una na baka hindi matuloy ang paghire sa kanya, pero sabi naman ng kausap niya ay hindi naman daw mahigpit sa mga new hire. At may mga maternity benefits naman daw ang kumpanya Kaya nakahinga siya nang maluwag kahit paano.
Hindi pa niya nasabi sa mga magulang ang tungkol sa pagbubuntis niya. Ni hindi pa nga niya nasabi sa mga ito na may boyfriend siya. Parang hindi niya kayang makita na ma-disappoint ang mga magulang dahil sa nagawa niya. P
