Chapter Fourteen
Pagkarating na pagkarating ni Travis sa Pinas ay agad niyang pinuntahan si Yoko. Tinawagan niya ito kaninang umaga upang makipagkita sa isang restaurant. Mabilis itong pumayag pero ramdam ni Travis na tila may kakaiba rito. Masyadong malamya ang boses nito habang kausap siya. Inisip na lamang niyang baka puyat ito dahil masyado itong abala sa mga naging sunud-sunod na interviews sa iba't-ibang kumpanya. Pero nang makita niya ito sa personal, tila naramdaman niyang may kakaiba rito. Bukod sa maputlang kulay ng balat nito, pakiramdam niya ay parang malamig rin ang pakikitungo nito sa kanya.
"How's my baby?" masayang bati niya rito pagkalapit niya.
Nauna itong dumating sa restaurant. Dapat ay susunduin niya ito pero ang sabi ni Yoko ay nasa labas naman daw siya at mas
