Chapter Twenty Two
Narating nina Yoko at Travis ang Alaminos bandang pasado alas nuebe ng umaga. Kaagad naman na nagtungo si Yoko sa reception area ng resort para magbook ng dalawang kwarto. Binayaran niya kaagad ang mga kwarto at nang paparating na si Travis ay kaagad niyang iniabot ang susi nito.
"Tig-isa pa tayo?" rinig niyang tanong nito. Muli niya naman itong hinarap.
"At bakit? Gusto mo akong ma-solo sa kwarto?" nakangising tanong niya rito. Napakamot naman ng ulo si Travis.
"Nagbabaka-sakali lang naman," bulong pa nito.
Iniwan na niya ito para magtungo sa sariling kwarto. Beachfront ang mismong kwarto niya kaya tanaw na tanaw na kaagad niya ang dagat at tila tinatawag na siya nito. Mabilis siyang nagbukas ng bag pagkapasok niya sa kwarto upang makapagpalit ng damit. Pini
