Chapter Twenty One
Inabot si Yoko ng gabi sa bahay ng kambal. Napuno ng halakhakan ang buong bahay nila at halos ayaw na nga siya na pauwiin ng kambal eh. Doon na lang daw siya matulog kagaya ng ginagawa nila noon. Kaso may maagang lakad kasi siya kinabukasan kaya hindi siya pumayag. Nangako naman siya sa mga ito na matutulog sa bahay ng mga ito next weekend.
Pagkauwi niya sa hotel ay kaagad naman niyang tinext si Troy para paalalahanan ito sa lakad nila mamayang madaling araw.
'Sunduin mo ako bukas dito sa Luxx Hotel ng 3AM. Ikaw ang magdrive papunta sa Manaoag. Ililibre naman kita eh. Swimming din tayo after, ha. Matutulog na ko, huwag kang tatawag. Babatukan kita,' Mahigpit na bilin niya sa text message niya rito.
Mabilis siyang naglinis ng katawan at nagpalit ng pangtulog. Bus
